காஞ்சிபுரத்தில் தேனம்பாக்கம் எனும் இடம் அமைந்துள்ளது. இங்கு மணிகண்டன் என்பவர் வசித்து வந்துள்ளார். இவர் செங்கல்பட்டு பகுதியைச் சேர்ந்த பிரியா என்ற பெண்ணை கடந்த சில வருடங்களாக காதலித்து வந்துள்ளார். ஒரு வருடத்திற்கு முன்னர் இருவரும் திருமணம் செய்து கொண்டனர். இந்நிலையில் பிரியா சில மாதங்களுக்கு முன்னால் கர்ப்பமானார்.
7 மாத கர்ப்பிணியான பிரியாவுக்கு இன்று வளைகாப்பு நடக்கவிருந்தது. இந்நிலையில் நேற்று திடீரென்று பிரியா யாரும் இல்லாத நேரத்தில் வீட்டில் தூக்கில் தொங்கியுள்ளார். இதனைப் பார்த்த உறவினர்கள் உடனடியாக அவரை மீட்டு அருகில் உள்ள மருத்துவமனையில் அனுமதித்தனர். அவரை பரிசோதித்த மருத்துவர்கள் அவர் ஏற்கனவே இறந்துவிட்டதாக கூறியுள்ளனர். காவல்துறையினர் சம்பவம் குறித்து வழக்குப்பதிவு செய்து விசாரணையை தொடங்கினர்.
முதற்கட்ட விசாரணையில் பிரியாவுக்கும் அவருடைய மாமியாருக்கும் அடிக்கடி தகராறுகள் ஏற்பட்டு வந்ததாகவும் இதனால் மனமுடைந்து பிரியா இந்த முடிவை எடுத்திருக்கலாம் என்றும் காவல்துறையினர் வியூகிக்கின்றனர். இந்த சம்பவமானது தேனம்பாக்கம் பகுதியில் பெரும் பரபரப்பை ஏற்படுத்தியது.