தமிழ் சினிமாவில் 80களில் தொடங்கி இன்று வரை பிரபலமான நடிகர்களில் ஒருவராக திகழ்ந்து கொண்டிருப்பவர் தான் சிவகுமார். இவரின் மகன்கள் சூர்யா மற்றும் கார்த்திக் இருவருமே தமிழ் சினிமா உலகில் டாப் நடிகர்களாக உள்ளனர்.
இவர்களின் நடிப்பில் வெளியாகும் படங்கள் எல்லாமே மக்கள் மத்தியில் நல்ல வரவேற்பு மற்றும் வசூலை பெற்றுக் கொண்டிருக்கிறது. தந்தையைப் போலவே இருவரும் சினிமாவில் முன்னணி நடிகர்களாக திகழ்ந்து கொண்டிருக்கிறார்கள். சமீபத்தில் கார்த்தி நடிப்பில் வெளியான விருமன் திரைப்படம் வசூல் ரீதியாகவும் விமர்சன ரீதியாகவும் மக்கள் மத்தியில் நல்ல வரவேற்பை பெற்றுள்ளது.
உலகம் முழுவதும் இதுவரை 55 கோடிக்கு மதுகமான தொகையை வசூல் செய்துள்ளது விருமன் திரைப்படம். இதனைத் தொடர்ந்து மணிரத்தினம் இயக்கத்தில் கார்த்திக் நடித்துள்ள பொன்னியின் செல்வன் திரைப்படம் வருகின்ற செப்டம்பர் 30-ஆம் தேதி திரையரங்குகளில் வெளியாக உள்ளது. அதனைத் தொடர்ந்து கார்த்தியின் சர்தார் திரைப்படம் தீபாவளிக்கு வெளியாக உள்ளது.
அந்தப் படத்தில் கார்த்தி இரட்டை வேடத்தில் நடித்து அசத்தியுள்ளார். அதே சமயம் சூர்யாவும் அடுத்தடுத்து பல படங்களில் நடித்து வருகிறார். இதனிடையே கார்த்தி மற்றும் சூர்யா இருவரும் இணைந்து எப்போது நடிப்பார்கள் என பலரும் கேட்கத் தொடங்கி விட்டனர். அதனால் இவர்கள் இணைந்து நடிக்க உள்ளதாக சொல்லப்படும் கைது2 அல்லது விக்ரம் 3 படத்திற்காக அனைவரும் காத்திருக்கிறார்கள்.
இந்த நிலையில் விருமன் பட பிரமோஷனுக்காக கேரளா சென்றிருந்த கார்த்தி அளித்த பேட்டி ஒன்றில், விக்ரம் திரைப்படத்தில் ரோலக்ஸ் கதாபாத்திரத்தில் நடித்ததற்காக கமல் சார் சூர்யாவிற்கு ரோலக்ஸ் வாட்ச் பரிசளித்தார். இருந்தாலும் அதுபோல சூர்யா உங்களுக்கு கொடுத்த மறக்க முடியாத பரிசு ஏதாவது உள்ளதா என கேள்வி கேட்கப்பட்டது.
அதற்கு பதில் அளித்து பேசிய கார்த்தி, என்னுடைய சிறு வயதிலிருந்து பழைய ஜீப் ஒன்றை வாங்க வேண்டும் என்பது ஆசை.ஆனால் எங்கு தேடியும் ஒரிஜினல் மாடல் கிடைக்கவில்லை. இதனிடையே என்னுடைய நாற்பதாவது பிறந்த நாள் அன்று சர்ப்ரைஸ் ஆக சூர்யா எனக்கு ஒரு ஜீப் வாங்கி கொடுத்தார். அது ஒரிஜினல் இஞ்சின். அதனை என்னால் மறக்கவே முடியாது என்று கூறிய அவர் விருமன் திரைப்படம் நல்ல ஹிட் ஆனால் பெராரி கார் வேண்டும் என கேட்டுள்ளதாகவும் அவர் கூறியுள்ளார். எனவே கார்த்திக்குக்கு அவர் கேட்டபடி சூர்யா ஃபெராரி காரை வாங்கி தருவார் என பலரும் ஆர்வமாக காத்திருக்கின்றனர்.